Një storie suksesi

“Puno shumë në heshtje dhe lere suksesin tënd të bëjë zhurmë” – Frank Ocean

Agon Memedi, student i diplomuar në UEJL në drejtimin Inxhineri Kompjuterike, në vitin 2011. Masterin e ka kryer në Universitetin e Padebornit – Gjermani në vitin 2015. Ku menjëherë pas mbarimit, ju bashkangjitë si asistent grupit të sistemeve të shpërndara (Distributed Embedded System Group). Hulumtimet e tij bazohen në rrjetin heterogjen të automjeteve (heterogeneous vehicular networks).

Në 23 Mars të këtij viti ai u thirr për një vizitë në Tajvan – Republika e Kinës, ku dhe do të mbante një prezantim/ligjeratë në lidhje me arritjet e tij në temën që e ka hulumtuar.  Si arritje që ia vlen të theksohet është bursa e fituar nga Bashkimi Europian për studime master në Gjermani. Poashtu edhe nominimi ne kategorine tema me e mire e magjistratures nga Gesellschaft für Informatik (ang: German Informatics Society, shq: Shoqata Gjermane e Informatikes) qe ngerthen boten gjermano-folese: Gjermani, Austri, Zvicer.

Si student nga një vend relativisht i vogël, z. Agon Memedi arriti ta dëshmojë veten dhe aftësitë e tij në vendet më të zhvilluara të botës.

Përgatiti : Teuta Reçi & Luleza Ziba (studente të drejtimit Komunikim Ndërkombëtar)